ანაკლიის ღრმაწყლოვანი პორტის ეკონომიკური პოტენციალი

ანოტაცია

საქართველოს მდგრადი ეკონომიკური განვითარებისა და მოსახლეობის ცხოვრე­ბის დონის ამაღლების მნიშვნელოვან ფაქტორს წარმოადგენს საზღვაო ტრანსპორტის, ღრმა­წყლო­ვანი პორტების მშენებლობა და ექსპლუატაცია. შავიზღვისპირა აკვატორიაში ანაკლიის ღრმაწყლოვანი პორტის მშენებლობა ერთ-ერთი ყველაზე ამბიციური ინფრასტრუქტურული პრო­ექტია, რომლის მიზანია ქვეყნის გარდაქმნა სამხრეთ კავკასიის მთავარ ლოჯისტიკურ და სავაჭრო ცენტრად. ეს პროექტი დიდ ეკონომიკურ გავლენას მოახდენს მთლიანად რეგიონზე და გადამწყვე­ტია საქართველოს ეკონომიკური განვითარებისთვის, რამეთუ ის აძლიერებს ქვეყნის პოზიციებს ძირითად საერთაშორისო სავაჭრო მარშრუტებზე, განსაკუთრებით ახალი აბრეშუმის გზის შუა დერეფანში, რომელიც ერთმანეთთან აკავშირებს ევროპისა და აზიის ქვეყნებს.

დიდი საკონტეინერო გემების მართვისა და გაზრდილი ვაჭრობის ხელშეწყობის პოტენცია­ლით, პორტი გაზრდის ინვესტიციებს, შექმნის სამუშაო ადგილებს სხვადასხვა სექტორში, მათ შორის: პორტის ლოჯისტიკაში, მშენებლობაში, ტრანსპორტირებაში, სასაწყობო მეურნეობაში და საკრუიზო ტურიზმის სფეროში; და რაც განსაკუთრებით მნიშვნელოვანია, გააძლიერებს საქართ­ველოს ინტეგრაციას გლობალურ ეკონომიკაში.

ნაშრომში, სამეცნიერო კვლევებზე, პოლიტიკის დოკუმენტებსა და ქვეყნის ეკონომიკური განვითარების სტრატეგიებზე დაყრდნობით, წარმოდგენილია ანაკლიის ღრმაწყლოვანი პორტის მშენებლობის ეკონომიკური და გეოპოლიტიკური მნიშვნელობა, მშენებლობის მიმდინარე პრო­ცე­სის ძირითადი გამოწვევები და წარმოდგენილია რეკომენდაციები, საქართველოს, როგორც საზღ­ვაო ქვეყნის კონკურენტუნარიანობის ასამაღლებლად.