ტომის მცირე სკვითიის ეკლესიის „Prima Sedis Episcopalis“ ისტორიული და სამართლებრივი მოწმობები მისი წინამძღოლების სამართლებრივი სტატუსის შესახებ

ანოტაცია

ადგილობრივი ავტოკეფალური ეკლესიის წინამძღვრის სტატუსთან დაკავშირებით, რომელიც ეთნიკურ და გეოგრაფიულ სივრცეში ჩამოყალიბდა – როგორც ეს მოხდა რომის პროვინცია „მცირე სკვითიის“ ეკლესიის შემთხვევაში – გვაქს სანდო მტკიცებულებები როგორც ისტორიული, ასევე სამართლებრივი წყაროებიდან (სახელმწიფო და ეკლესია).
ამ კვლევის, რომელიც ისტორიულ და სამართლებრივ ასპექტებს აერთიანებს, შექმნის მიზნით, გამოვიყენეთ პირველწყაროები, კერძოდ, ისტორიული დოკუმენტების მოწმობები, სახელმწიფოსა და ეკლესიის კანონმდებლობა პირველი ათასწლეულის განმავლობაში, ასევე „ეპისკოპოსთა სიები“ (Notitiae Episcopatuum), რომლებიც ჩვენთვის მნიშვნელოვანი იყო როგორც დუნაი-შავი ზღვისპირეთის ეკლესიის უძველესი სამართლებრივი ინსტიტუტების ისტორიის შესწავლის თვალსაზრისით, ისე იმ ევოლუციური პროცესის გასაანალიზებლად, რომელიც განსაზღვრავდა ტომის მიტროპოლიის მთავარეპისკოპოსისა და რომის პროვინცია მცირე სკვითიის მიტროპოლიტის სამართლებრივი სტატუსის ჩამოყალიბებას.