Admonitio Generalis, როგორც Collectio Dionysiana-ს გავლენის დასტური კაროლინგურ კანონმდებლობაზე

ანოტაცია

მცირე სკვითიიდან (დღევანდელი დობრუჯა) გამოსული პროტორუმინელი სწავ­ლულის, დიონისიუს მცირის (Dionysius Exiguus) კანონიკური კრებული, რომელიც ცნობილია როგორც Dionisiana, წარმოადგენდა უმნიშვნელოვანეს ორიენტირს არა მხოლოდ დასავლეთ ევროპის საეკ­ლე­სიო (კანონიკური) სამართლის ჩამოყალიბებასა და განმტკიცებაში, არამედ პირველ ათას­წლეულ­ში ეკლესიის ეკუმენური ერთიანობის ხელშეწყობაშიც, რაც აღმოსავლეთისა და დასავ­ლე­თისთვის საერთო კანონიკური საფუძვლის კოდიფიკაციით გამოიხატა. ამ კრებულის მაღალმა პრეს­ტიჟმა განაპირობა ის, რომ კარლოს დიდმა იგი იურიდიული ავტორიტეტის წყაროდ და ნიმუშად გამოიყენა 789 წლის თავის ცნობილ პროგრამულ დეკრეტში Admonitio Generalis, რამაც საფუძველი ჩაუყარა მის საკანონმდებლო უნიფიკაციის მცდელობებს ფრანკთა იმპერიაში. ამგვარად, მთელი შუა საუკუნეების განმავლობაში კანონიკური კანონმდებლობისა და სამოქალაქო სამართლის ურთიერთკავშირის წყალობით, Dionisiana-მ გადამწყვეტი გავლენა მოახდინა დასავლური ქრისტია­ნული იურიდიული კულტურისა და მისი სამართლებრივი ინსტიტუტების გენეზისსა და განვითა­რებაზე.