გაიდლაინი
სტატიის გაფორმების წესი
სტატია წარმოდგენილი უნდა იყოს A4 ფორმატით: სტრიქონებს შორის ინტერვალი 1,15; შრიფტის ზომა 11; ოთხივე მხრიდან დატოვებული მინდორი 2,54 სმ.
სტატია წარმოდგენილი უნდა იყოს ელექტრონული ვერსიით (Microsoft Word-ის ფორმატში (.doc, .docx), როგორც ქართულ, ისე ინგლისურ ენებზე, შრიფტით Sylfaen. ფაილის სახელწოდება უნდა შეიცავს ავტორის გვარს, სახელის ინიციალს და წელს, მაგალითად, Berdzenishvili.2024.doc.
სტატიის მოცულობა (გამოყენებული ლიტერატურის ჩამონათვალისა და სხვა ტიპის დანართების ჩათვლით) უნდა იყოს არანაკლებ ხუთი (10 ათასი სიმბოლო) და არაუმეტეს 20 კომპიუტერული გვერდისა (40 ათასი ნიშანი).
ავტორი/ავტორები: სტატიის სათაურის ქვემოთ (მარჯვენა მხარეს) ქართულ და ინგლისურ ენებზე უნდა მიეთითოს ავტორის (ავტორების) სრული სახელი, გვარი, აკადემიური ხარისხი, თანამდებობა, ინსტიტუციის დასახელება, ელ.ფოსტა, ORCID მისამართი.
სტატიის სტრუქტურა:
სტატია უნდა შედგებოდეს შემდეგი ნაწილებისგან:
- აბსტრაქტი
- საკვანძო სიტყვები
- სტატიის შესავალი
- მეთოდები
- მსჯელობა
- დასკვნები
- გამოყენებული წყაროები და ლიტერატურა.
აბსტრაქტი (მოკლე შინაარსი): ქართულ და ინგლისურ ენებზე თითოეული 250 სიტყვამდე. აბსტრაქტი უნდა ასახავდეს სტატიის შინაარსს და აჯამებდეს კვლევის ძირითად შედეგებს.
საკვანძო სიტყვები: სტატიას თან უნდა ახლდეს საკვანძო სიტყვები (მინიმუმ 3), რომლებიც ერთმანეთისგან გამოყოფილი უნდა იყოს წერტილ-მძიმით.
შესავალი: მოცემული უნდა იყოს საკვლევი პრობლემის არსი, კვლევის მიზნები, მნიშვნელობა და, საჭიროების შემთხვევაში, საკითხის კვლევის/შესწავლის ისტორია.
მეთოდები: აღწერილი უნდა იყოს კვლევისა და ანალიზის პროცესში გამოყენებული მეთოდები.
მსჯელობა: ეს ნაწილი უნდა შეიცავდეს საკითხთან დაკავშირებულ მსჯელობას.
დასკვნები: წარმოდგენილი უნდა იყოს კვლევის ძირითადი შედეგები/დასკვნები. გადმოცემული უნდა იყოს მკაფიოდ, ნათლად და გასაგებად.
წყაროებისა და ლიტერატურის მითითება: გამოყენებული ლიტერატურა და წყაროები ლაგდება ანბანთრიგზე. წარმოდგენილი ნაშრომი უნდა გაფორმდეს ამერიკის ფსიქოლოგთა ასოციაციის მიერ შემუშავებული APA-ს ციტირების სტილით. სქოლიო არ გამოიყენოთ, გარდა იმ შემთხვევებისა, როდესაც საჭიროა რაიმეს განმარტება (ანუ შენიშვნებისათვის).
სხვადასხვა ტიპის წყაროს (წიგნი; სტატია პერიოდულ გამოცემებში ან სამეცნიერო ჟურნალში; კონფერენციის მასალები და სხვ.) ტექსტში მითითებისას საჭიროა პროგრამულად შეხვიდეთ APA-ს სისტემაში და სათანადო ველებში შეიტანოთ მონაცემები სრულყოფილად, რომელიც შემდეგ უნდა დააგენერიროთ ჯერ ტექსტში და შემდგომ ტექსტის ბოლოს ბიბლიოგრაფიაში. ინსტრუქციის ლინკი: https://support.microsoft.com/en-us/office/create-a-bibliography-citations-and-references-17686589-4824-4940-9c69-342c289fa2a5
REFERENCES-ში ლიტერატურა და წყაროები ეთითება იგივე თანმიმდევრობით, როგორც გამოყენებულ ლიტერატურა-ში. არალათინური შრიფტის მქონე ენებისთვის წყაროები და ლიტერატურა ეთითება ლათინური ტრანსლიტერაციით. ქართული ლიტერატურის და წყაროების ტრანსლიტირება უნდა განხორციელდეს „რომანიზაციის ქართული ეროვნული სისტემის მოდელზე“ (იხ. ბმულები: http://gnc.gov.ge/gnc/page?page-id=gnc-transliteration; https://translit.net/ge/;). გთხოვთ ქართული ტექსტის ტრანსლიტირება განახორციელოთ პროგრამულად.
