ბერძნული და ლათინური წარწერების ამსახველი მასალები ბერძნულ-რომაული კულტურისა და ცივილიზაციის შესახებ მცირე სკვითიაში

ანოტაცია

მცირე სკვითია არ ყოფილა მხოლოდ ბერძნულ-რომაული ცივილიზაციების სინთეზის აკვანი, რაც ამ პროვინციის დიდ დასახლებებში გამოიხატა, არამედ, ამ ცივილიზაციათა ელემენტების „extra muros“ გავრცელებით, ადგილობრივ დაკიელ და რომაულ მოსახლეობაში, რომლებმაც ეს პროვინცია ძვ.წ. 27 წელს დაიპყრეს. ის ასევე იყო ძველი რომაული ცივილიზაციის აკვანიც. მისი არსებობა დასტურდება როგორც დიდი საეკლესიო მოღვაწეებით, ისე დაკიურ-რომაული წარმოშობის უნივერსალური კულტურით, რომელიც აქედან მომდინარეობს და ცნობილია სკვითი ბერების სახელით. რომელთაგან ყველაზე გამორჩეულები იყვნენ იოანე კასიანი, დიონისე (Exiguus), იოანე მაქსენტი და სხვები. ბერძნული და ლათინური ენების შესანიშნავი მცოდნენი, რომლებიც ლათინურს იყენებდნენ თავიანთი ნაშრომების ენად, ადასტურებენ უმაღლეს დონეს თეოლოგიური, ფილოსოფიური, იურიდიული და ასტრონომიული ცოდნისა, რომელსაც, მათი გადმოცემით, თავიანთ სამშობლოში არსებულ სკოლებსა და მონასტრებში დაეუფლნენ. მიუხედავად იმისა, რომ ასეთი დაწესებულებების არსებობის შესახებ დოკუმენტები მოგვეპოვება, მათი რაოდენობა მცირეა და, სამწუხაროდ, ძალიან ნაკლებად არის ცნობილი. არსებობს ასობით ლათინური და ბერძნულენოვანი ეპიგრაფიკული მტკიცებულება, რომლებიც ეხება სოციალურ, სამხედრო და რელიგიურ საქმიანობას. ისინი ბოლო 200 წლის განმავლობაში დღევანდელი დობრუჯასა და მის შემოგარენშია აღმოჩენილი. ეს მტკიცებულებები ასახავს ბერძნული და ლათინური კულტურული ელემენტების დანერგვის დინამიკას დუნაისა და ზღვას შორის მიწებზე და მათ მიღებას ადგილობრივი მოსახლეობის მიერ.