ქართველი მუჰაჯირების ფაცაში დასახლებისა და ადაპტაციის საკითხები
DOI:
https://doi.org/10.61671/bsrcc.v4i2.12059საკვანძო სიტყვები:
მუჰაჯირობა, ფაცა, ორდუ, მუჰაჯირები, კულტურული მეხსიერება, ზეპირი ისტორია, ოსმალეთის იმპერია, მიგრაცია, ეთნოგრაფიაანოტაცია
წინამდებარე ნაშრომი განიხილავს ქართველი მუჰაჯირების ფაცას (ორდუს პროვინცია, თურქეთი) რეგიონში დასახლების პროცესს, მის ისტორიულ წინაპირობებსა და ადაპტაციის საწყის ეტაპებს. კვლევა ეფუძნება ეთნოგრაფიული საველე მუშაობის შედეგად შეგროვებულ ზეპირ ისტორიებს, მიგრანტთა შთამომავლების კულტურულ მეხსიერებას, ოსმალურ საარქივო მასალებსა და არსებული ისტორიოგრაფიის კრიტიკულ ანალიზს. განსაკუთრებული ყურადღება ეთმობა ქართველი მუჰაჯირების ფაცაში მოხვედრის გარემოებებს, ოსმალეთის იმპერიის განსახლების პოლიტიკას, ალი ფაშა თავდგირიძის როლს, მიწების განაწილების პროცესსა და ახალ სოციალურ გარემოსთან ადაპტაციის სირთულეებს. ნაშრომში ნაჩვენებია, რომ ფაცაში ქართველთა დასახლება ოსმალეთის თავდაპირველი გეგმის შედეგი არ ყოფილა და მნიშვნელოვანწილად შემთხვევითმა გარემოებებმა განაპირობა. ასევე გაანალიზებულია მიგრანტთა და ადგილობრივ მოსახლეობას შორის ურთიერთობები, სოციალური დაძაბულობის მიზეზები და მათი გავლენა რეგიონის ეთნოპოლიტიკურ ვითარებაზე. კვლევა ცხადყოფს, რომ კულტურული მეხსიერება მნიშვნელოვან წყაროს წარმოადგენს იმ ისტორიული მოვლენების რეკონსტრუქციისთვის, რომლებიც წერილობით წყაროებში არასრულად ან საერთოდ არ არის ასახული, და ახალი პერსპექტივით წარმოაჩენს ქართველი მუჰაჯირების განსახლებისა და ინტეგრაციის ისტორიას ცენტრალურ შავიზღვისპირეთში.
Downloads
გამოქვეყნებული
ციტირების წესი
გამოცემა
სექცია
ლიცენზია
This work is licensed under a Creative Commons Attribution-NonCommercial-ShareAlike 4.0 International License.
