1951 წლის დეპორტაციის ტრავმული მეხსიერება აჭარაში
DOI:
https://doi.org/10.61671/bsrcc.v4i2.12011საკვანძო სიტყვები:
საბჭოთა რეპრესიები, დეპორტაცია, აჭარა, ტრავმული მეხსიერება, ზეპირი ისტორია, კოლექტიური მეხსიერება, ტრანსგენერაციული ტრავმაანოტაცია
სტატია ეხება 1950-იანი წლების საბჭოთა რეპრესიებს აჭარაში, კერძოდ, 1951 წლის დეპორტაციას, რომელიც საბჭოთა რეპრესიული პოლიტიკის ერთ-ერთ მნიშვნელოვან, თუმცა შედარებით ნაკლებად შესწავლილ ეპიზოდს წარმოადგენს.
კვლევის მიზანია გააანალიზოს დეპორტაციის გამოცდილება არა მხოლოდ ისტორიული ფაქტების დონეზე, არამედ ტრავმული მეხსიერების პერსპექტივიდანაც.
ნაშრომი ეფუძნება როგორც საარქივო დოკუმენტების, ასევე ზეპირი ისტორიების ანალიზს, რომელიც ჩაწერილია კვლევითი პროექტის - „ოფიციალური ისტორიიდან გარიყული მეხსიერება: 1951-1952 წლების რეპრესიები აჭარაში“ ფარგლებში.
ზეპირი ისტორიების ანალიზი აჩვენებს, რომ დეპორტაციის გამოცდილება კოლექტიურ და ოჯახურ მეხსიერებაში სპეციფიკური ნარატიული სტრუქტურებით კონსტრუირდება. კვლევის შედეგად გამოიკვეთა ის ძირითადი ნარატიული მოდელები, რომელთა საშუალებითაც ინდივიდები და ოჯახები ახდენენ ტრავმული გამოცდილების რეპრეზენტაციას, ინტერპრეტაციასა და თაობათაშორის გადაცემას.
კვლევა ადასტურებს, რომ 1951 წლის დეპორტაცია უნდა განვიხილოთ არა მხოლოდ როგორც პოლიტიკური რეპრესიის აქტი, არამედ როგორც სოციალური და კულტურული ტრავმა, რომელმაც მნიშვნელოვანი გავლენა მოახდინა აჭარის საზოგადოების ისტორიულ ცნობიერებასა და კოლექტიურ იდენტობაზე.
Downloads
გამოქვეყნებული
ციტირების წესი
გამოცემა
სექცია
ლიცენზია
This work is licensed under a Creative Commons Attribution-NonCommercial-ShareAlike 4.0 International License.
